鄰家的小朋友快兩歲了，每天早上看到嫲嫲帶他出去逛街，每趟都是坐嬰兒車。有一段時間，我家還八卦小朋友是否行走不便，可間中又看到他在大堂走來走去，雖然旁邊還是泊住奔馳級的嬰兒車。
今天在升降機遇上，終於禁不住逗小朋友：「點解唔自己行呀？」
嫲嫲應該是回答了好幾百次的了，即時回應：「唔坐車，行幾步就話要抱，我手又無力，唔坐車點得呢……」
「唔抱未得囉……」
「唔抱，唉，佢企係你面前唔郁，你點呀……」
幸運地，升降機到了我那一層，分手了，不然嫲嫲聽到我半開玩地說「一腳伸埋去咪得囉」，不知道會有何反應。
都不是第一次聽到這種無辦法的言論，而這也是今天香港湊小朋友的一大特色。為什麼一個成年人會對一個話都未識講的細路無辦法呢？所以不是無辦法，而是討好細路。我們一方面說今天的青少年捱不得苦，挑剔揀擇，另一邊卻又怕細路哭、不高興、心靈受損。
點解今天的細路，全都手軟腳軟？你看我的鄰居就知了。
留言