你只能從看「迷離境界」這個角度看特首選舉，不然就很容易一時衝動，打爛電視。
有條友，面對公眾講了好多次大話，並且每一次被人踢爆。過了幾天，好似什麼事都沒有發生，對大家說：自己把什麼都交待了，我沒有什麼隱瞞。大佬，你這是隱瞞不了，不是你坦白。
再然後，他就可以氣直氣壯地指住另一條友：你呃人﹗你無誠信﹗你無恥。
精神病人。
另一條友，就係禪宗精神病人。我參加小圈子選舉係因為我反對小圈子選舉。我要迫建制派候選人回應問題，我成功啦，你睇，佢地一條都唔係回應。
呢條友明明站在跑道上，卻當正自己站在終點當裁判，所以人人都當佢小丑。人家拍掌，不是因為你問得好，而是搞氣氛搞得不錯。你試吓一半窩落其中一張臉上，全場起身致敬添，你又唔做。
導演又係癲。搵兩個精神病人追捕高智慧罪犯，嫌犯完全是catch me if you
can的態度。旁觀者全都知道佢係兇手啦，但是你地智商咁低，就似樣一點的質問都做不到，睇住佢話：「阿sir，你無證據就唔好亂講，因住我告你誹謗。」
呢齣戲，睇到眼冤----因為它不是一齣戲，而它的製作成份，你同我，孭哂。
留言