這陣子，與兒子對話時，心裡不時冒起的有兩句話：
A 不聽老人言，吃虧在眼前。
B 細個時我都話唔同女仔玩，大過咪俾女仔玩囉。
苦口婆心、循循善誘、忠言逆耳、剖析利弊。對一個中二病來說，都係廢既。可能父母是正確的，但正確不代表有用，因為唔型。天氣可能真係凍，但著衫唔型。天氣可能真係熱，但唔著褸，樣衰。帶水樽可能真係健康D，但係好唔型。等等。
青少年之難搞即在此：佢未能真真正正掌握世界的運作與自身的需要，卻學曉左唔聽你講。
當然，做父母的也要先反省：
(1) 自己以前都係這樣子；
(2) 自己現在也不見得，聽到有道理的說話就憣然悔改。
然後，積極地想：
(1) 失敗乃成功之母；
(2) 任何經驗都是好經驗；
(3) 終有一日，你會明白父母的好。
正在努力地平均放手與劃好底線的平衡。自己的父母，當年因客觀條件也就是搵食而在沒有意識下全然放手，其實舒服得多；我們這代父母，有得揀就慘過做阿四，又想子女成長容易一點，又好難找到真正的平衡點，結果往往衰過全然放手。
祝大家好運。
留言