一、
行山途中,看到小白蝶飛舞。
爸:「亞女,妳睇蝴蝶幾靚。」
女:「蝴蝶,其實就是有翼的毛毛蟲,靚乜鬼?」
爸:「但係佢飛吓飛吓幾好睇。」
女:「曱甴已經夠恐怖,唔通飛曱甴會覺得可愛咩?傻傻地。」
爸:「蝴蝶五色六色,點同曱甴?」
女:「唔通飛曱甴D翼塗到五顏六色,你就話好靚吓好靚吓?痴痴地。」
二、
最近介紹女兒睇某懸疑美劇。
爸:「好唔好睇?」
女:「OK啦,但有一幕好核突,把頭割下來。」
爸:「哦,因為係機械人嘛。」
女:「點吓?機械人唔係人呀?電蠟燭係咪蠟燭?爛屎係唔係屎先?」
爸:「……」
女:「又係咁,冇D常識。」
留言