昨天在信報看了一篇文章，名為「你有領導盲點嗎？」細看下去，我覺得這些作者具真知灼見，但是也有化粧師的傾向：那些「盲點」，其實就是「特質」，老闆之為老闆的特質；領導當然不應該有這些「盲點」，問題係：老闆只是發薪或炒你魷的人，沒有誰保證，他是公司的領導﹗
按該文所言，老闆有以下特質：
(1)唔聽你講野；
(2)以「但是」、「不過」或but作為開場白；
(3)同你的對話，主要是告訴你，你唔掂/唔妥/唔啱；
(4)你做得幾好都唔會讚你；
(5)就算全人體都知道係佢錯，佢都唔會講I am sorry；
(6)唔識講「唔該」；
(7)「你的看法都有道理，但係點樣可以再做好D呢？」
綜合以上7點，老闆就是無禮貌的人，類似一個七八歲細路的說話模式。
(8)鍾意「贏」，因此鍾意講最後一句話，討論任何事情都要由他來結案陳詞，並且答案一定是他正確；
(9)超自我中心，好似張永霖在立法會答問題咁：「張永霖唔會……張永霖認為……」
(10)懲罰講真話的人。例如你話老闆的idea唔得，老闆已經好慶；如果你還有理據，對不起，你死梗。
(11)大權在我手，朕要誰升，就誰升；朕要誰炒，誰就消失。做唔做得野？邊個夠我做得﹗
(12)脾氣差、心情容易激動。你估我心情又容易平靜嗎？不過，我不是老闆，所以脾氣自然會好一D；不似老闆，如果老闆作其反省狀：「我真係脾氣唔好。」自有人會創造原因開解：「你工作壓力大/你能力愈強、責任愈大/……」如果打工仔咁講，自有人來訓話：「你自己知就好，仲唔去學習吓情緒管理……」
(13)「我最醒」。多年前聽過一位校長在校務會議上，對住全體SGM說：「圍住呢張枱，係我一個的人工係值既。」又或是「我的看法就代表大部分香港人的看法」等等，都屬此特質。
(14)成功在我，失敗是你。公司所以成功，因為有我；公司所以不成功，因為有你。在我手下，是精英，因為我管住你；離我公司者，是瘀血，早排早著。
你發覺自己有沒有以上的特質呢？應該無的，因為大部分的特質，都要在做了老闆後，後天培養出來的。如果你先天就有以上的特質，對不起，你老闆一早就話：you’re fired!
留言