正如政府高官對公眾說話時有一套既定的廢話，爺嫲婆公縱容細仔、打造廢柴的過程中，也有一套既定的解說，其中包括：
(1)小心﹗危險﹗因住﹗
由於行路會仆街，飲水會濁親，食飯會鯾死，大聲會支氣管炎……所以萬事皆要小心，而且最令人放心，就是行路爺爺拖之或抱之；飲水前嫲嫲吹之試之捧之；食飯時，婆婆餵之；任何時候，小朋友都應該把自己安危，放在祖輩級手上，那麼，爺嫲婆公就會稍稍安心。
(2)佢仲細呢。
在爺嫲婆公的心目中，你都還是小朋友，你生的，當然是更小的小朋友，所以阿孫什麼都做不了，是理所當然的。收拾玩具，「佢仲細呢，你點解要佢執曬呢﹗好囉好囉，執兩舊好囉。」佢仲細，所以兩手飛快打NDS，但係唔識拿匙食飯，專門等你伸過來。
在爺嫲婆公的心目中，你都還是小朋友，你生的，當然是更小的小朋友，所以阿孫什麼都做不了，是理所當然的。收拾玩具，「佢仲細呢，你點解要佢執曬呢﹗好囉好囉，執兩舊好囉。」佢仲細，所以兩手飛快打NDS，但係唔識拿匙食飯，專門等你伸過來。
(3)唔好嚇親佢。
一個人，無論你係三歲還是八十歲，俾人閙俾人罰，就更係唔開心。唔通這個世界，有人笑騎騎咁俾人罰，有，精神有問題的。但是，爺嫲婆公就不接受這個定律的，他們認為，你閙小朋友，小朋友哭，是不正常上，因為小朋友這樣，遲早精神病。你地幾個再咁阻頭阻勢，我就遲早精神病。
最最攞命的是，你好好地教育了小朋友一次，爺嫲婆公一招就把你全部功力廢掉。「無事啦無事啦，都係爸爸衰，好唔好？等我請番你食雪糕，好唔好？」
一個人，無論你係三歲還是八十歲，俾人閙俾人罰，就更係唔開心。唔通這個世界，有人笑騎騎咁俾人罰，有，精神有問題的。但是，爺嫲婆公就不接受這個定律的，他們認為，你閙小朋友，小朋友哭，是不正常上，因為小朋友這樣，遲早精神病。你地幾個再咁阻頭阻勢，我就遲早精神病。
最最攞命的是，你好好地教育了小朋友一次，爺嫲婆公一招就把你全部功力廢掉。「無事啦無事啦，都係爸爸衰，好唔好？等我請番你食雪糕，好唔好？」
(4)佢真係好得意。
這句話，是專門用來解讀小朋友做錯事的，例如小朋友很容易發脾氣，父母自然要教導他情緒控制，但爺嫲婆公就會同人講：「我個孫真係好得意，小小事就會唔開心。但是只要我氹吓佢，佢又會笑番。」我都好容易唔開心，又唔見你攞D金牛嚟氹番我。
明明條細路唔聽話，一出街就周圍走，爺嫲婆公又會話：「佢真係好得意，鍾意周圍走。」這句話是萬靈丹，促使小朋友任何行為都合理化。
這句話，是專門用來解讀小朋友做錯事的，例如小朋友很容易發脾氣，父母自然要教導他情緒控制，但爺嫲婆公就會同人講：「我個孫真係好得意，小小事就會唔開心。但是只要我氹吓佢，佢又會笑番。」我都好容易唔開心，又唔見你攞D金牛嚟氹番我。
明明條細路唔聽話，一出街就周圍走，爺嫲婆公又會話：「佢真係好得意，鍾意周圍走。」這句話是萬靈丹，促使小朋友任何行為都合理化。
當然，仲有好多好多，無法盡錄。一句話：廢柴壞份子，就是這些語言鑄成的
留言