妹語三則

星期一早上；睡眼惺忪的阿妹，刷牙時問：
「今日星期幾？」
「今日星期一。」
「咁今日唔駛返學。」阿妹幼稚園玩多元智能活動日，其實是逢星期二、四上學，故有此語。
「係呀。」
「我鍾意今日，唔鍾意聽日。」
「咁點？」
「我切左星期二佢。」小手在空氣中一揮，把星期二切掉了。「咁味唔駛返學囉。」

*** *** *** *** ***

跟住在前往吃早餐的路上。
「其實，不用切了星期二走；妳用一個巨型透明罩，把幼稚園罩住，大家都回不了學校，那就不用上學吧？」
「但是，好多小朋友想返學嘛。」
「妳地個個都唔想返學架啦。」
「唔係呀，個個小朋友都唔想返學呀。」
「妳點知？」
「係學校，老師問小朋友：『你地鍾唔鍾意返學呀？』個個小朋友都舉手。」
「咁妳呢？」
「我擰頭。」

*** *** *** *** ***

跟住吃早餐，亞妹揀飲擇食。爸爸恐嚇之。
「妳食得唔好，下次食夾餅時，我咬妳的夾餅。」
「好吓，我俾你咬。」
「我仲食左妳一件夾餅﹗」
「我請你食，成件夾餅俾曬你﹗」
「咁好死？」
媽媽插嘴：「佢講吓就得，到時就反悔。」
亞妹瞇住眼奸笑：「到時，我食雪糕。」