揀小學

與友人在FACEBOOK談到揀小學，今年我不用煩，因為三從中有一個叫做從兄，亞女扯哥哥衫尾入小學即可。兩年前選學校，真的很煩。因為，正如某傷風藥的口號：揀學校，最緊要夾。

問題是，學校不是一件衫，一對鞋，試兩試就知道啱唔啱心水。小學之於家長，就如旗袍之於女士。很多旗袍看上去是非常漂亮，可穿上身才知道艱難。FIT唔FIT，人人不同，個個有別，究竟點才是正確選擇，難說難說。

就以自己兒子讀的學校為例，是區內三大熱門之一，而兒子學習無難度，兩公婆自己落得輕鬆，可兒子的其中一位同學，一年級就留級了。所以，女兒眼前快活，究竟來年九月會否一家辛苦，誰知？

兒子幼稚園的同學中，也有特意選取學習較輕鬆的學校，一年過去，笑容滿臉，也不是一件壞事。可是仍然是同一個問題：未來會否快活呢？

所以，選學校不是還看今朝，而是只爭千年，就等於這個股市動盪的十月，要你下注，把一副身家買一隻股票，準備六年後才賣的，真係，好冒險。