亂

        有錢人老是反對普選，其中一個「振振有辭」的原因，是「香港人還未有足夠的民主素質」，如果勉強施行，社會就會亂。

        好啦，你地D有錢人究竟有什麼素質，我地今次一眼睇哂啦。

        你地搵個傀儡出來扯線，都找一個正正常常D，得唔得？搵一個出來講大話都結結巴巴，還不斷講一D自己都唔信的大話----當然，以他的智商，可以他自己真的相信，別人會被他騙倒的，我個女三歲時也常常如此。

        小圈子選舉都可以選得咁狼狽、咁混亂、咁混脹，你地D有錢人其實真的不太適合小圈子選舉。

        既然如此，不如玩普選啦？