起
女兒：「亞爸，你覺唔覺得，其實莫大毛是一個很努力的人。你不要被歌詞騙了，雖然話佢日日攤係屋企，其實我覺得，佢係一個警察或者消防員，只係等緊order，同唔同意？」
爸：「唔同意。」
女兒：「我咁有道理的分析，你點可以唔同意？我一定要再分析一次給你聽：其實莫大毛真係一個很努力的人……」
爸：「好了，妳不要再重複相同的內容十萬次呀，我同意。」
女兒：「想不到你都能夠明白別人的分，虛心接納，不錯。」
承
女兒：「亞爸，你覺唔覺得，其實莫大毛是一個很努力的人──」
爸：「覺得。」
女兒：「你真係覺得？」
爸：「真係覺得。」
女兒：「點解？」
爸：「因為你分析獨到，理據充足，具說服別人的氣勢。」
女兒：「想不到你都幾有眼光。」
轉
女兒：「亞爸，你覺唔覺得，其實莫大毛是一個很努力的人──」
爸：「覺得。」
女兒：「你真係覺得？」
爸：「真係覺得。」
女兒：「咁你講一次我的分析出來。」
爸：「我就係唔想聽妳重複又重複講莫大毛好勤力這廢話﹗你宜家叫我重複，那我不同意了﹗」
女兒：「咁我就要再同你講一次，莫大毛其實……」
合
女兒：「亞爸，你覺唔覺得，其實莫大毛是一個很努力的人──」
爸：「亞女，不如我地一齊聽聽首歌先。」
一同在youtube聽了一次。
爸：「到最後，莫大毛真係勤力工作，但他並不是警察與消防員。」
女兒：「所以我都係啱既，莫大毛真的一個很認真努力的人……你快d寫上網，等更多瞭解到，莫大毛是一個怎樣的人……」
留言