由於有份負責的課程要出四十本課本，所以完成工戶時，就說是寫完40本，實際上，應該是有約廿一、二本是我自己寫的，還有好幾本的底本是我擬定的，但一定不到三十本。
我是2006年轉到這份工作。當天的數是這樣計的：
(1)
好唔想繼續教書；
(2)
這課程開始了，如果沒有一個人全職寫教材，就無疾而終；
(3)
可以留在家湊仔女，不用再請外傭；
(4)
減薪50%以上。
今天把教材寫完，一家又平安，當然就覺得值得。其實，中間可以發生好多事。感恩家中各人平安，不然收入大減可以有不少問題；課程到中段低迷到癲，我在2010年左右開始有點擔心，自己會否失業，一想到中年失業，甚至要再謀教席，都不要說不冒汗。
所以，有結果看回頭，確是感恩；沒有結果可否感恩呢？
同樣地，這11年的收入，粗粗地估計，少左近300萬，換來的300萬字。值不值？今天看來值，因為少左的錢我並不覺，但書就確實寫了出來，有人讀。問題是，如果有一天，我流落街頭，又會否覺得，當年應該把錢睇得更重要呢？
其實，人生一世，要睇埋單啱數先生活，本身就已經好唔啱數。或許未來不是自己所預期的，但既然這刻心動到某個程度，就行動吧。試想想：最後即使啱數，不過也是人生的埋單，又如何。
我想，我都算是一個好例子：當日毅然轉職，賺得自由，與子女相處的時間(回頭看，這才是千金不換)，一套書，條數算係靚。
希望大家都可以埋到條靚數。
留言