七點落街食早餐,一街都係低頭族,人人都搵車返工,而好明顯,大家都知道無乜希望。
茶餐廳比平日多人,坐低後就明白:應該有廚房冇返,出唔切野,結果愈坐愈多人。即使如此,進來的人都是坐低,證明坐爆的,不僅是這間。
出奇的是,氣氛異常好。有人坐低,旁邊即有人溫馨提示:有排等呀,我等左好耐啦。大家都微笑以對,幫手遞餐具送食物,一張長枱坐滿都沒有人覺得不耐煩。
大家都知道點解會咁耐,而大家都願意付出自己那小小的成本。
或許,大家都走到前線,事情就好快到endgame,勝負一局了。不過,香港人不是這樣,又或是,當一個社會文明到某一階段,大家不認同這種戰爭式的決戰吧。
我不知道該怎樣分析這狀況,但置身在一大群人等早餐的茶餐廳,感覺不壞。
今早telegram開始時,一路報哪一間學校停課。到了七點多,admin就話:「唔好再報邊間停課,邊間咁xx唔停課先報……」
東鐵停、巴士服務受阻、巿面滿目倉夷,停課是文明選擇,政府卻因為某人不想「陷入圈套」而罔顧現實。
極權所以是野蠻,正因為它容許有權的人按自己的心意,罔顧現實。
正如中大對出的二號橋,警察守住它是執法,中大學生不容許警察踏入學校範圍也是合理。文明的世界,就是希望用最和平的方法解決問題,野蠻的極權者,就是「我係要踏入嚟,吹咩?」然後放催淚彈。
在我眼中,這是一場完全不知所以的混亂,除了令政府更難管治外,沒有任何好處的行動,實際上就是警察好似細路發霉氣的結果。
情緒化、唔認輸、要攞彩、不顧後果、怕死集於一身,但因為有權在手,就可以玩到文明躁動,社會混亂,仍然不知道自己是罪魁禍首,就是野蠻的典範了。
弱智式極權繼續玩下去,祝大家好運。
留言