一、
媽媽沖阿華田飲:「我其實都不是很喜歡喝阿華田,不過沖嘢飲這種做派很優雅咁,好有放假的悠閑。」一邊沖,一邊作陶醉狀。
亞女:「咁妳可以用凍水沖熱水,唔駛咁煩。」
二、
虛實交替好繁忙,女兒一邊要開局鋤大D,一邊拿住哥哥的手機玩鬥地主(不安裝在自己的手機上,避免沉迷)。
結果:亞哥出了紅心10,輪到亞女,她一手挽牌一手撳機,而我是她的下家,於是望住她。突然,她大聲咆哮:「我都未話pass,你出乜?」
亞哥:黑人問號;我:黑人問號。
亞女望住我:「你出咗乜?」
我望住亞女:「我乜都冇出,到你呀﹗紅心10呀﹗」
亞女:「駛唔駛咁惡呀,我明明見到你出牌……Pass﹗」
三、
亞仔生日,20歲。
然後,他不斷玩以下的爛gag:
「我唔同d十零歲的人一般見識。」
「十零歲係咁啦。」
「得個十零歲又同我拗。」
得戚地說:「仲有兩年幾可以玩呢個梗。」
留言