20分鐘前的真實對話。
父女在街上,返回屋苑大門,等校巴上學的途中。
女兒突然說:「你無學問﹗」
父親:「咁邊個有學問?」
女兒:「我囉﹗」
父親:「點解我無學問。」
女兒:「你曳囉。」
父親:「曳點解會無學問?品德同知識都無關係。」
女兒:「你根本就無學問,點可能分辨到曳有無學問呢?我話,曳就沒有學問。」
無話可說。
到了屋苑門口,女兒問:「你知唔知我同學瑤瑤叫什麼名?」
父親:「叫乜樂瑤囉。」
女兒:「叫張樂瑤呀﹗你識兩個字,我識三個字,你仲唔係無學問﹗我再問你,同我地一齊搭車的winnie,叫什麼名字?」
父親:「姓李囉。」
女兒:「叫李喜風呀﹗今次仲衰,識一個字,我識三個字。唉﹗」
我都唉﹗
留言