弱勢者的弱

        在網上看到以下一篇文章：

尋日去郵局見到一個中學生，以身高估計係中三以上。呢個中學生去寄包裹我排佢後面，拎住袋野走埋去問郵局職員 

對話如下

中學生：「我想寄呢袋野.」 
郵局職員：「你包好佢，填左份form再過來」 
中學生：「要包好佢？我袋起左law。」 
郵局職員：「用紙袋裝起，我地唔收架」 
中學生：「點樣包？」 
郵局職員：「你可以用個紙盒pack好佢」 
中學生：「要我執紙盒？」 
郵局職員：「我地有得賣紙盒」 
中學生：「咁要裝起呢袋野要用邊個紙盒」 
郵局職員：「你試下呢個啦，$X 蚊姐」(我唔記得係幾錢) 
中學生：「要而家比錢架？」 
郵局職員：「咁你而家買就而家比law, 你想轉頭買就轉頭比」 
(學生唔多情願地比左錢) 
郵局職員：「要填份form, 你寄郵去邊」 
中學生：「我寄去香港仔，我要空郵」 
郵局職員：「空郵？」 
中學生：「係呀，最快係空郵麻？」(佢唔似講笑) 
郵局職員：「唔好意思，寄去邊到話？」 
中學生：「都話香港仔咯」 
郵局職員：「小朋友，寄本港係無空郵架」 
(呢個時候排係後面的我忍唔到笑，嘰嘰咁笑左出來) 
(亦有一兩個人都有偷笑) 
中學生：「仲乜叫我小朋友？我覺得你咁好唔尊重我，我係來寄野，唔係來比你笑架」 
中學生怒氣沖沖無寄到野拎埋d野走人... 
呢d就係香港教育出來, 社會未來的主人翁

        網上不少人批評今時今日的年輕人無常識。當然，是無常識，不過由於我是鄉下仔出身，我不敢說，自己還是中學生時，就好有常識。正如有教第三組別的朋友說，自己的學生一世都在天水圍氹氹轉，香港公園都不知道在世界何方。香港仔，在小朋友的心目中，可以是類似卝極般遙遠，正如我中六時才知道，碧麗宮是在銅鑼灣，並且是一間戲院。

        當然，今時今日的另一個不同，是我還是很鄉下仔的時候，知道世界很大，自己很多東西不懂，所以會小心奕奕，不想出糗。今天的問題可能是：無知者沒有敬畏規矩之心，反而有一種大無畏的精神：我就是這樣﹗你唔好歧視我﹗

        這種思想，有時都是弱勢的表現，就是弱到自己都不知道什麼是弱。

        所以，當我們說要消滅隔代貧窮，背後不僅是金錢上的問題，同時也要明白，弱勢者的弱，是很全面的。