遠足，我和兩個小朋友行在前頭。不久，有一位十歲左右的小朋友趕上來，和兒子並排在我的身後。路徑狹窄，而這位小朋友又死命想爬頭，那就讓他走到最前線。
好了，走在最前，小朋友就放慢腳步，阻住我行，於是我就說：「小朋友，你要帶在最前，就不能慢慢行，至少也要如你爬頭上來的速度。」小朋友聽到，又行快五秒，又慢下來。於是我二者不說，準備過他；可一和他並排，他就加速。OK，你行先就行先，可一不是與他並排，他即時又減速。原來，在公路上的賤人，是三歲定八十的。於是我又開口：「小朋友，你這樣做非常無品，如果你要行第一，就拿出行第一的速度，你爭來第一的位置又阻止別人行，但人家一和你並排，你又發力，這樣的行為很要不得。」「我唔係慢左，係條路斜啫」(斜左2度呀？)、「因為地面有水，所以快不起來」(不如話地面有汗啦)。
既然言文沒有效力，我當然就武力解決。他一慢下來，我就一腳踢向他的屁股。他大概想不到這位叔叔很強很暴力，呱呱嘈，而我當然不理會，不是爬他的頭，就是在他的後面伸腳，然後，他自然回復了應有的正常步速。
既然他保持到速度，我就不再出腳。就在此時，小朋友向我搭訕：
小朋友：「今日好熱。」
我：「係呀，真係好熱。」
小朋友：「但係我唔熱喎。」
我：「你唔熱？點解？」
小朋友：「因為我係唔怕熱既﹗」(咁你第一句咪係廢話囉)
我(敷衍地)：「你唔怕熱。」
小朋友：「你知唔知點解我唔怕熱？」
我(繼續敷衍地)：「點解？」
小朋友：「因為我成日係好熱的地方玩囉﹗」
由於只顧認叻，小朋友又慢下來了，於是我又一腳伸埋去。
留言