見得上位者多，完全明白，自己沒有做亞頭、老大、老闆的可能，本質上沒有可能，所以可以安心做廢柴。
什麼是上位者的本質？就係董太名言：唔得，我唔信﹗ 認識的各個上位者(或正在上位者)，風格可以不同，但是這種「相信自己是正確」的味道，全部一致。
道理相當簡單，從上司形成的歷史，我們就會明白：當你還是散仔時，上司如何判斷你是否有前途呢？一個是經常懷疑工作本身有沒有意義的哲學家，一個是總相信自己的工作有意義的奮進寶寶，你是上司，會喜歡哪一個？
我自己相信佩服持守這樣信念的人。「雖然工作好白痴，但係總會學到D野。」「文件雖然無人睇，但係總要寫得好好睇睇。」由這個LEVEL開始，老闆開始賦予重任，即使重任多無稽無聊，有「唔得，我唔信」精神的人，總可以做到最好，變成有意義，即使你好懷疑這個意義。
然後，抱有這種精神的人是有福的，因為升職是他們的。升職，是一種肯定，肯定了「唔得，我唔信」這種信念。當這種肯定重複十次、百次、千次後，這位散仔已經成為上司，同時也完全相同，自己係得既。同時，推己及人，他們也會覺得，只要我話你得，你就一定得。
當然，不同的上司，程度有異，有些是走理性路線，嘗試用合理的原因來說服你，你應該為公司做到甩頭甩肺，仍然很開心的；有些走同歸於盡路線，就是他的頭都幾乎甩，難道你的頭還應該好地地嗎？最攞命又最多的是走君主專制路線：大權在手，天下我有﹗你做唔到？我唔信﹗叫你挖幾條運河來遊船河，你都話唔得？拉去斬啦﹗
所以，上司不是癲的，只是他們已經被外星人洗腦，大家的腦電波，已經無法交流了……
留言