一
放假天，午飯吃包，太太一打開盒子，嘆道：「肚餓就什麼都好吃﹗」擘開蓮蓉包又說：「熱騰騰真好。」
女兒在旁吃糯米雞，悠然而好cool地說：「咁我叮熱舊屎俾妳食。好唔好味？」
二
送兒子去下圍棋，在走廊等升降機。Lift到，他沉樁坐馬，兩手平伸，吐氣揚聲，「開」，然後隨住他兩手外揚，lift門自然就開了。進lift，他向我揚眉，示意「你睇我幾勁」，然後再施法一次，叫「關」，門又關了。
我說：「你真係好低b。」他又再施法，「開」，當然，到了地下，自然開了。再揚眉，我再說：「你確實完全地低b。」
到屋苑門口，兒子雙手上伸，對住燈飾作全力輸出狀，口中說：「hold住hold住，繼續亮﹗」最後收式，「定」。然後同我講：「咁佢地就會一路著住，唔駛我再出招了。」好chok咁繼續行。
留言