我家這半年有新的家庭活動，就是電影共賞。每星期一晚，輪流選片。在聖誕假期，女兒變本加厲，動輒又話家庭影院，結果我們看了Netfilx電影Bird Box及超級爛片「地心探險：神秘島」。
看Bird Box的原因是開Netfilx時有片頭睇，一睇我就同亞女講：「盲眼版的無聲絕境。」亞女瞄瞄，同意，然後就打蛇隨根上：「不如一齊睇﹗」
超級爛片就更加無厘頭：想搵「逃出魔幻紀」，結果彈出此爛片，二小卻不顧一切，「睇啦睇啦」。
Bird Box其實都麻麻，但接連看了兩片，倒有另一種感覺，就是鬼佬那種不服輸的解難決心。Bird Box其實是末日風景，亞女看人家苦苦掙扎時，食住薯片話「我寧可做一早死左個d」。但是，再難再苦再危險再可怖，女主角都咬緊牙關，試最後一個機會，讓小生命活下去。
即使是所有事都巧到發癲才會大團圓結局的「地心探險：神秘島」，背後仍然是這種不要服輸，你努力總找到方法把問題解決的，火山爆發全島陸沉只有主角企住個塊會飄出海，都要主角們肯全力跑到這塊寶地，才有巧合發生。
再爛的片，都有其意義。過後，我這樣安慰自己消失了的九十分鐘。
留言