年廿九下午，我擺好個陣，入利是。
太太見狀，走來幫忙。兩個人一個入錢，一個埋口。不久，太太問：「為什麼不叫仔女幫手？」答：「費事煩。」
太太不信，叫亞女：「幫手入利是﹗」亞女即施展拉琴遁：「我要練小提琴呀~呀~」
至於兒子，補習未回。
晚飯，亞媽提起亞女借琴遁而不幫忙入利是一事。兒子很嚴肅地問：「咁到底入完未？」「入左啦﹗」「究竟入哂未？」「入哂啦？乜事？」
兒子旋即變臉，一副痛心疾首模樣：「點解入哂呀﹗我份人最鍾意入利是啦﹗我最鍾意幫手入利是呀，如果有得得入我一定入，點解我要去左補習呢~~」
亞媽即插：「你咁鍾意，我俾出年D利是你入。」
亞仔：「我真係好鍾意入利是呀~~係今年利是我就鍾意入呀~~」
亞媽再插：「我入左出年同後年D利是，今年未入。」
亞仔：「我真係好鍾意入利是呀~~亞媽妳唔好玩野喎~~」
亞女：「亞媽呢招勁。」
亞爸：「講風涼話唔好咁盡，你Over左啦﹗」
留言