兒子whatsapp回來，問可否在同學家過夜，共待放榜。
媽：「亞爸你點睇？」
爸：「OK啦。」
媽：「亞女你點睇？」
女：「OK，叫佢記得刷牙。」
媽：「明天放榜喎。」
爸：「我當年放榜都係同同學通宵，一起回校取成績。」
媽：「你都有？﹗」
爸：「係呀，當年大家都係咁，我捱到四五點不知幾眼睏。」
女：「呀？眼睏？」
爸：「眼睏好奇咩？」
女：「後生係唔會眼睏架，亞爸，想不到你當年已經係一個亞伯。」
爸：「玩左十個鐘，乜都玩完，齋等點會唔眼睏？」
女：「真正既後生係唔會眼睏的，抵你有百二歲命。」
爸：「既然我都未老先衰，點會咁長命？」
女：「因為你後生時太離譜，神要懲罰你，等你老到夠為止。」
留言