癲鳳狂龍之食黃店

 [先聲明，食過富東閣兩次，味道不錯。]

爸：「今晚富東閣外賣，你地揀食乜？」

媽：「有味椰汁香竽南瓜，幾特別。」

女：「哇，三樣都唔係餸嚟架。」

媽：「三樣炒埋可能唔同左，好食呢？」

女：「屎尿屁夾埋會唔會變香？」

媽：「……」

仔：「不如食番菠蘿咕嚕肉？」

媽：「都OK既，不過上一次D青椒未炒好，好生。」

仔：「真係生妳咪買番呢再炒一次。」

媽：「你傻架，買外賣仲要自己炒多次？」

仔：「咁香港搞成咁都話要再出發，妳炒多次有幾奇？」