上課前在茶餐廳食晚飯，因為六點未到，還有下午茶可食。食到中途，侍應一個接一個大聲叫「下午停~~~」，代表六時已到，晚餐時間。同時，我身旁的女士正對住電話講下午茶有什麼可選。再轉過頭，她叫侍應，要一個下午茶餐。「小姐，下午茶停左啦﹗」「停左，點解停左？」「六點就停。」「六點停？宜家先六點。」「宜家六點零三分啦。」「你睇，我隻錶係六點，點會係六點零三分。」
顧客永遠是對的，況且不過是三分鐘，下午茶餐仍然可以下單。
女士的朋友來到，女士講述這件事，再三重複：我隻錶係六點鐘。
妳的錶確實是六點，但在妳的錶是六點前三分鐘，全場有四、五個侍應，大大聲叫「下午茶停」呢，而他們所以這樣叫，因為茶餐廳的鐘是六點正了。
生活小事，卻也可以反映今日社會，多少人對大環境的吶喊聽而不聞，只看住自己手中的錶，視之為時間本身，反過來，要求世界跟隨？
Photo by Agê Barros on Unsplash
留言