一、
一家四口睇「皇冠」(Crown)第四季第一集，中段是皇室眾人各有各的休閒活動，查理斯去冰島釣魚，蒙巴頓伯爵一家在愛爾蘭出海，其他人各有各精彩。我們不知前文後理，就是湊熱鬧地看，殊不知蒙巴頓伯爵與孫子把一隻龍蝦拋回海中之間，鏡頭由海底拍上去，在半空有一隻龍蝦的影子，同時，遊艇就爆炸了。
驚愕之際，太太衝口而出：「最好彩就是隻龍蝦。」
反差太大，亞女笑到收唔到聲。「點呀亞媽？隻龍蝦仲做埋兩隻手V字手勢，好唔好？」
二、
聽林子祥《分分鐘需要你》。
亞女話：「你地年代d歌咁怪。」
「何怪之有？」
「點樣分分鐘需要你呀？乜鬼呀？」
「就是好愛你，時常都想與你一起。」
「『分分鐘』點係咁用呀？我老師離開班室前，同我地講：『不要嘈不要搗亂，我分分鐘返嚟。』即使佢隨時返失驚無神返，而唔係每分鐘都返。」
「唔……」
「分分鐘需要你，即係我分分鐘要你，你standby啦，做好戀愛準備？乜鬼。」
留言