上星期女兒預約了第一針疫苗。
早上，爸問：「妳幾點打針？」
女兒茫然地望住我：「等我去check check。」
原來是下午四點半。
後來，她為拍片事宜打電話給青年旅舍。「唔該我想搵張先生。……你好，我想咁咁咁……謝謝你解答，但係……我地一共七個人，咁情況，即係……」回答對方問題快而準，聽到對方的答案即時看出要釐清的地方，完全不像一個17歲的少女，更似有專業風範的OL。
打開電腦，拍片有日程表，每個場次一切都輸入好，一有改動即時修訂，發給全世界。所有事情都以專業態度動理好。
然後，吃飯時，女兒又是迷離眼光咁問：「我四點半打針，究竟要幾點出門？」「最遲三點五十分。」「哦。」
亞媽插嘴：「妳帶齊文件未？」茫然的眼光再度升起：「要帶乜？」「要帶身分證。」「身分證唔係我道。」
亞爸就去找來身分證奉上，順手把封塵在桌的父母同意書梢上。正當女兒打算收起一切時，媽媽就拿起同意書，再看一遍，細心叫亞爸把該刪的地方都刪掉。
女兒呢，當然是在睇ipad了。
然後，我做做吓野，抬頭，發現已經是三點五十二分。「你地仲唔行？」亞女漫步人生路般由房走出來：「要行啦？」
不僅是17歲的少女，退化到7歲了。
哥哥陪她去打針，兩人輕鬆悠閒地出門，就是父母擔心是否順利。
其實，只要他們明白知道沒有你們插手如拍片事宜，他們就會活出超齡的戰鬥力了。
留言