騎呢教友

          太太遠足途中，遇上同一個堂區的教友，展開超騎呢的對話。

          教友：「你真係我堂區？」

          太太：「係呀。」

          教友：「咁你望邊台主日彌撒？」

          太太：「九點。」

          教友：「你真係望九點？我無見過你喎。」

          太太：「……」

          教友：「咁我問問你：剛過去的主日，誰主持彌撒？」

          太太：「盧神父？……不是，是葉神父，我把子夜彌撒與主日彌撒搞亂了。」

          教友：「咁都俾妳兜到？我係負責九點彌撒收奉獻的，我真係冇見過妳喎。」

          你係我太太，你要點答落去？

          不是要揶揄這位教友，雖然他真的好騎呢。但更慘的是，這就是現今堂區的常態：有一群老教友，有某種「我是村代表」的情懷，聚在一起。那種「我條村我規矩」的習氣，最重要是「我覺得你存在」、「我覺得你OK」以及那種「我條村規矩就係咁，這就係啱同好既」，就足以完全抹殺那些「教會願意關心青少年」、「堂區更新」、「共議同行」了。

          堂區想凝聚人？要我俾咁騎呢的教友驗證才可以成為「自己人」？我有病乎？

 

Image by Anemone123 from Pixabay