早D睇九巴apps

          子女承繼我倆的DNA，都是不愛運動，屢勸不聽，唯一曾經去做運動，是女兒男友在家附近健身時，子女都被他「感化」，去做了好一段日子健身，但當男友轉戰其他區時，兩人又打回原形，四體不勤。

          我臨老抱佛腳，現在是家中最常做運動的人，於是老是做勸世老人，舉凡子女鼻敏感、黑眼圈、寒背、精神不振、神情呆滯乃至食得少，我都說：「你知唔知你的問題在哪裡？就係冇做運動囉。」

          子女如何反應？

          前一陣子，和女兒出去買東西，一出屋苑，我看九巴apps，發現尚有一分鐘巴士就到站，於是與女兒狂奔去巴士站，結果巴士還是走了。站在巴士等另一班車時，亞女話：「唔得唔得，真係好辛苦。」直到巴士到站，我們上了車，女兒坐低，還是說：「真係要坐坐，唔得唔得，跑真係好辛苦。」

          身為勸世老爸，自然又出絕招：「你知唔知你的問題在哪裡？-----」還未說下一句，女兒即時插嘴：「就係要早d睇九巴appd囉。你好明顯係想咁講，係唔係？」

          我笑到停唔到嘴。

          現在寫來，又不覺得真的那麼好笑，但那一刻，開心無價，所以要記下來。