(11)兒子同意拍得好差，但他認為，導演是蓄意的。「因為能夠每一部分都拍到咁冇嘢、平庸、冇嘢講，而且是每一部分都如此，好難唔係特登。」
(12)太太一向不太掌握到人物眾多、劇情多變的情況，好容易甩，她都覺得：「開頭個簡介寫嚟做乜？根本不用。」
(13)有人留意話「風林火山」對應四個主要人物。我都覺得係，但真係唔知對乜。名又唔對，李霧童對風？霧隨風散？其他三個：程文星、王志達、狄文傑，好明顯，特意改好普通的名字，但又如何？對性格，我都係對唔上。
(14)不過，這正是這齣電影可觀之處：導演是有某些用意，但總不到位。大家都睇得出佢想做乜，同時睇得出佢做唔到。所謂評價兩極，就是看評論自己落唔落場，覺得好有意思的評論，其實是評論者自己把電影中人物、物品、情節二次創作。作為循環再用，我認為功德無量。
(15)是否剪得太多所以出事？我唔知有關程文星這殺手(女兒吐糟位：成個大都會，就得古天樂這隊殺手，全部job都得佢哋做)的情節剪了多少，但到最後，我都唔知佢想死還是想活。那些劇情，拆成一個小節，變成一張硬照，可以覺得好型，但結合起來，唔知做乜。
(16)全劇每一個位都好中二，古天樂做的程文星就是典範：我欠別人一條命；終歸要還；我孤獨；我大把錢但我沒有興趣駛；我沒有朋友；我沒有家人；我是殺手。
(17)再一次，我不覺得觀賞體驗差，睇中二病也可以悅心賞目的。
留言