學到嘢

 

          公司有好心人送了一張火雞，要預早三日訂好才可以攞。同事打去訂，約好日子，講完名字，同事問：「如果沒有帶券，能夠攞到嗎？」我聽到，心諗，梗係唔得啦，咁高檔餐廳，等聽佢哋繼續對話。點知，同事聽了對方說話後，好快就收線。

          我忍唔住問同事：「佢點答妳呀？」

          同事：「佢話可以，只要你交低1088元按金，就可以攞火雞，第日來再交番張券，就可以攞番按金。」

          真心覺得學到嘢。不要與客人的意向作對，先提是順住佢思路，不是攔住佢。今時今日，呢種話術就真係順到個客，高級餐廳真的有兩道。既不損客人的情緒價值，又完全無蝕底，並且本住資本主義的錢就是交換工具的精神。

          我可以想像，其他更高階的問題，都係可以咁答：「我覺得隻火雞太重，可不可以分兩次攞？」「只要你俾188元買多一個盒，可以。」「我唔想嚟攞，你送來得唔得？」「可以，只要你嚟交券，兼俾500元送貨費，我哋可以送去你家。離島要加1000蚊。」

          永遠可以答應客人的要求，前提是你有錢。