有時候，公共政策真的是無理可言的，完全是一盤爛帳。
我當然是不支持吸煙，但是我又真係覺得，你無道理透過大幅加稅，來逼使人不吸煙。這算是哪門子的道理？
你會話：因為吸煙的害處非常明顯，所以人本來就不應該吸煙了，故此加重稅也沒問題。害處非常明顯，就等同毒品，那就應該禁煙，最多禁煙後發煙牌，個別人士有特殊需要可以申請，好似部分國家禁槍但可取槍牌一樣。
說加煙稅純粹是健康理由，真係一個好唔健康的理由。加稅，煙貴，效果是有錢的人才可以吸煙，這在本質上是歧視貧窮者(好弔詭，還是說針對有錢人呢：你窮就唔好唔健康啦，肺癌呢家野，有錢人先有資格/抵死)。
但是講到禁煙，司長又說無可能禁煙，這是否代表他承認吸煙的成癮性呢？不過毒品也有成癮的問題，為何又禁毒呢？如果吸煙會成癮，又如何透過價錢來令人戒除呢？究竟這個加稅為健康，內在的邏輯是什麼？你不能加稅有一個標準，禁煙又用另一個標準，但是官員就可以荒謬得這麼自然的。
況且，吸煙難戒，加重稅必然導致兩個結果：犧牲其他生活需要來滿足煙癮和私煙猖獗。前者，自然是繼續貧窮歧視，至於後者，如果禁煙，私煙同樣會大行其道，但是由於煙成為違禁品，在打擊上會直接得多。今天煙民在街吸煙，你分不清是否私煙，禁煙後，即拉，為執法人員來說，事情容易得多。
所以，從道理上來說，禁煙好合理好正常，不斷玩加煙稅，好有凌遲FEEL。不過，各位煙民，你們早成為弱勢社團，還是大圍人都歧視的那一個群組，無得平反。
我覺得，這一點，才是政府氣勢如虹地加煙稅的原因：終於有人俾我出吓氣，唔駛日日都捱打﹗
留言