女兒坐在桌前,凝望座枱月曆,突然萬分感慨地說:「今年,過左一半。」
大家都沒反應,於是女兒轉過頭來,向我說:「亞爸,今年,過左一半。」
「係呀,過左一半。」
「咁就過左一半。」
亞爸終於忍唔住:「亞女,不是過左一半,是過了四分三了;今天已經九月,係四分三。」
女兒只是愕然左0.01秒,就話:
「過左四分三,唔係過左一半咩?唔通過左四分三,冇過到一半咩?你估我咁低能,連今日係九月十八日都唔知道,唔知道今年已經過左四分三咩?話我講過左一半唔啱﹗你腦子進水了。」
爸爸:「……」
哥哥:「……」
女兒:「一年,咁就過了一半。」
留言