在台北吃飯，旁邊有一台香港家庭，三十出頭的父母，高小的大女與初小的細女。他們已經吃到尾聲，只有細女的碗還有食物，而她眼前，有一部開住的IPad。
父親催促：「食快d啦，成日食得咁慢。妳又唔係食唔到，點解唔快手食完呢？我哋咪可以去玩啦，妳好食啦。」說了一輪，應該是有嘢買或其他事宜，父親就離開店了。
母親由始到終都在滑手機，眼睛沒有離開手機地說：「快d食。」
父親離開後，家姐就開始發功：「妳好食啦，淨係掛住睇，我叫亞媽CUT咗妳數據，妳仲點睇。」一而再，再而三威脅亞妹。亞妹已經開始食，家姐仍然出聲，結果亞妹就有點嬲：「食緊啦﹗」家姐再回：「咁就快d，你睇，人家都望住妳啦。」
那個人家，就是我倆了。不想添煩添亂，不然我就會說：「亞妹，食得快不一定是好事，伯伯就係食得快，結果個肚就唔舒服了。」
我想，以上的場面很普遍，在部分家庭很頻繁出現，當中的糟點包括：
1 雙重標準：如果睇電子產品不好，為什麼亞媽又一直睇？
2 天下價值，唯快不破：去旅行都要也快，吃東西不是飽或品味，而是快，人生最高優次，永遠是快。
3 沒有傾談沒有分享，只有任務。
4 父母不樹立榜樣，不真的教導，大女出手，只有傷感情，背後是否也有偏心的問題？
留言